About Hamzad

Toozeehate Hamzad

Hamzad Ke Bare May Kuch Aamileen Ka Qol Hai Ki Wo Insaan Ke Sath Hi Paida Hote Hai Aur Insaan Ke Sath Hi Mar Jaate Hai | Laikin Baaz Kehte Hai Ki Yeh Paida To Insan Ke Sath Hote Hai Laikin Marta Kabhi Nahi | Insaan Ki Mout Ke Bad Aazad Rehta Hai | "Hamzad" Insaan Ki Mout Ke Bad Fana Ho Jaye Ya Zinda Rahe Hume Isse Koi Behs Nahi Aur Na Hi Is Behs Ka Koi Fayda Hai | Duniya Ka Mamooli Se Mamooli Kaam Bhi Bagair Taqat Sarf Kiye Nahi Ho Sakta | Ab Gaur Kijiye To Taqate Be--Shumar Tareeqo Se Hasil Hoti Hai Laikin In Tamaam Tareeqo Ko Do Usoolo Par Taqseem Kiya Jata Hai | Ek Qism Qudrati Aur Dusri Gair--Qudrati Ya Iktisaabi Hoti Hai | Taskhor Hamzad Iktisaabi Neeyat Se Mutaalliq Hai | Aur Aamil Ko Iske Iktisaab Ke Liye Badi-Badi Mushkil Aur Duswar-Tareen Raaho Se Guzarna Padta Hai | Bilkhusoos Wo Log To Khatraat Ke Ain Qareeb Hote Hai Jo Aadme Waqfiyat Ki Bina Par Galat Tareeqo Par Amal Karte Ya Amal Ke Tareeqo May Manmaani Karwaayi Ka Tajurba Karte Hai | Uloome Roohaniyat Ho Ya Mehz Hepnatizium Sab May Gehre Inhimak, Musthkam Tawjjuh, Fiqr ,Yaksooi-E-Qalb Mustqil--Mijaazi, Tasavvure Aafreeni , Yaqeene Kamil Aur Iztimaae Kuvvat Ki Sakht Zarurat Hai | Iske Baraaqs Satahee Gour V Fiqr Be-Yaqeeni, Muntashir Aur Pargnda Khyalaat Aur Aarzee Karwaiyo Ka Aamil Hona Kisi Tarah Bhi Qamiyabi Ke Qareeb Nahi Lata | Tahrate Nafz Aur Pakeezgi-E-Badan Amaale Roohaniyat May Laazmi Shraeet Hai | Jo Log Zaheeri Aur Bateeni Tarah Se Be-Niyaaz Ho Kar Is Qism Ke Aamal Karte Rehte Hai Unhai Kisi Na Kisi Din Iski Bhari Qeemat Adaa Karni Padti Hai | Goki Baaz Amliyaat Kiye Hi Us Waqt Jate Hai Ki Jab Insaan Puri Tarah Bahalte Najs Ho, Jinhai Sifli Amliyaat Se Mousoom Kiya Jata Hai | "Sifli Amliyaat" Ka Darja Kya Hai | Ye Maloom Karne Ke Liye Aap Sahibe Zameer Aur Bashoor Logo Raaye Daryaft Farmaye --- Barhaal Sifli, Sifli Hai Aur Noori Noori | Hum Har Nuqta-E-Fiqr Ke Aamil Ki Sahoolat Ke Pesh-E-Nazar Har Qism Ke Amliyaat Pesh Karenge | Jo Aainda Safhaal May Dekh Jaa Sakte Hai | Har Shakha Ki Pasand Juda Hoti Hai Isi Liye Hum Is Behs Ko Tool Dena Khilaf-E-Usool Samjhte Hai | "Taskheer Hamzad" Ke Mahir Aamileen Khaal-Khaal Hai Jo Aawamunnas Se Alaahda Apni Ek Duniya Basaye Hue Hai | Neez Unhone Maslhtan Apne Tajurbat Ko Ikhfaae Raaz Ke Tour Par Aam Nahi Kiya | Isi Liye Is Zimn May Kaafi Mawaad Mojud Nahi Hai | Guzshta Rooaae Sadi May Humne Intihaai Faraakh-Dili Ke Sath Buzurgaane Deen, Mahireene Uloom V Funoon, Aalameene Falkiyaat V Roohaniyaat, Gavvasane Bahre Hiqmat V Keemiya V Leemiya Aur Sheedayaane Istidarak Ke Razhaae Seena Ko Aam Kar Dene Ki Sae-E-Masood Ki Hai | Chunancha Zere Nazar Kitaab Bhi Isi Silsile Ki Ek Kadi Hai | Humari Is Mehnate Shaqqa Ka Azr Sirf Usi Waqt Mil Sakta Hai Jis Waqt Kaareine Kiram Kmahqkuhoo Mustafeed Ho Kar Hume Duaa Khair Se Yaad Farmaye |

Kya Taskheere Hamzad Gunah Hai?

Hum Aur Aap Us Zamane May Paida Hue Hai Jise Modern Zamana Kehte Hai | Nayi Roshni Ke Log Achanak Hi Kisi Waqiye Ke Pesh Aa Jane Par Jadeedul-Jadeed Uloom-Funoon Ki Madat Lete Hai Aur Aasani Se Sehr, Ajinna, Hamzad, Roohaniyat Aur Muwqikleen-Amliyaat Agairah Ke Qayal Nahi Hote Aur In Basko Tavhhumat Gardante Hai | Aapne Aksar Dekha Hai Ki Jaha Kahi Dur Aaz Fahm Ya Baeed Aaz Qyaas Riwayat Bayan Ki Jaati Hai Log Tanziya Musukurate Aur Ajeeb-Ajeeb Nazro Se Dekhte Hai | Misal Ke Tour Par Aap Kisi Jinn Ke Karname Bayan Kar Rahe Hai Aur Tamam Waqiaat Hqaeq Par Mabni Hai | Laikin Sunne Wale Kisi Halat May Bhi Us Waqtvtak Aap Ki Baato Ko Sahi Nahi Tasleem Karenge Ki Jab Tak Koi Na Koi Waqiaawo Khud Apni Aankho Se Nahi Dekh Lete | Yahi Haal Moaajizaat, Karamat, Sehr Aur Jaadu Wagairah Ka Hai | Lakin Ek Din Aata Hai Jab Moaatriz Hazarat Chashme Khud Koi Na Koi Herat-Angez Waqiaa Dekhte Hai Aur Unhai Iska Eaateraf Karna Hi Padta Hai Ki Duniya May Mavraai Taqato Ka Wadood Naqabile Inkar Hai | "Aalif Lela", "Tilisme Hoshrooba" Aur "Dastane Aameer Hamza" Qism Ki Kitabo May Ja-Bja In Hairatangez Cheezo Ka Ziqr Mojud Hai Jo Aaj Mojud Hai | Aur Dekha Jaa Sakti Hai | Maslan Hwayi Jahaaz Aapke Samne Udte Hai Aur Ek Din May Aapko Kahi Se Kahi Pahucha Dete Hai To Koi Wajah Nahi Ki Udankhatola, Lakdi Ka Ghoda Aur Isi Qism Ki Dusri Cheeze (Laakh Mafrooza Sahi) Tavhhumat Gardani Jaaye | Aaj Kal Rail-Gadi Jo Kal Tak Shetani Shoaabda Tha Kis Kadar Kaam Aa Rahi Hai | Aapki Zindagi Kis Had Tak Be-Kaif Muaattl Nazar Aaye ? Takreeban Der Do Sadi Pehle Agar Telephone, Television, Redio, Bijli Ke Balf Aur Inke Alawa Jadeed-Tareen Ijaadat Par Mushtamil Koi Naval Likha Jaata Tha To Uski Haisiyat Aalif Laila, Tilisme Hoshrooba, Aur Chahar Darvesho Ke Qisse Ki Si Hoti, Halaki Aaj Yahi Cheeze Humari Zindagi Ka Laazmi Juzb Ban Gayi Hai Aur Bagair In Ke Hum Zindgi Ke Har Maidan May Mohtaj Aur Gair Musllah Nazar Aate Hai | Humare Shoaaba-E-Roohaniyat V Falqiyat Ke Ek Sargaram Aur Nihayathi Mazhab-Parast Rooqn Safdar Gannoori Hai | Aap May Se Aksar Hazrat Ne Unke Mazameen Ser V Shayri, Nujoom Jafar, Hindsa Aur Raml Vagaira "Mahnama Aayena-E-Qismat", Lahore May Farmaye Honge | Ye Hazarat Bhi Aam Logo Ki Tarah Sher V Shayro, Nuzoom V Jafar Aur Hindsa V Raml Vagaira Ko Baat Karna Gunah May Shamil Samjhte The Aur Apni Samjh Ke Mutabik Is Silsile May Intehaa-Pasandi Ka Suboot Bhi Dete The | Laikin Jan Se Unke Khayalat May Haqeeqat-Pasndi Apni Intikayi Manzil Tay Karti Hui Nuqta-E-Meaaraj Ko Pahuchi To Tamam Uloom Se Is Kadar Mohabbat Paida Ho Gayi Ki Gunah Aur Savab Ki Pastiya Aur Bulandiya Hech Ho Kar Reh Gayi | Wo Khud Iska Izhar Karte Hai Ki 1940 E° May Mai Jab Metric May Tha To Shayari Se Nafrat (Bakhyal Gunah) Hone Ki Wajah Se Imtihaan May Hissa-E-Nazm Ko Chuta Bhi Nahi Tha | Wo, Wo Waqt Tha Ki Jab Mai Zahir Aur Batin Dono Aitbaar Se Kattar Muslim Nazar Aata Tha | Laikin Ek Aisa Din Bhi Aaya Jab Maine Iske (Shayri Ke) Alawa Bhi Deegar Uloom Ke Manfi V Musbat Pehluo Par Gour Kiya Aur Aapkhir Is Nateeje Par Pahucha Ki:--- Ilm Ek Talvar Hai --- Aap Agar Talvar Lekar Maidan E Jang May Kud Jaaye Aur Kushto Ke Pushte Laga Den To Aap Ka Naam Mujahido Ki Ferrist May Shamil Hoga | Aapko Savab Bhi Milega | Aap Ghaazi Bhi Kehlaaye Jaayenge | Agar Qatl Ho Gaye To Shaheedo Ka Rutba Bhi Paayenge | Laikin Agar Yahi Talvar Le Kar Apne Shehr Ke Muhalle Ke Ghar Ke Aadmi Ko Qatl Kar Denge To Qatil, Zalim, Jabir Aur Insaniyatkush Kehlaye Jaayenge | Duniya Malamat Karegi Aur Aap Par Muqadma Bhi Qayam Hoga | Aapko Phansi Bhi Ho Sakti Hai | Aur Gunah Bhi Lazim Aayega | Dekha Aapne Aapne Talvar Ek Hai, Kaam Bhi Ek Hi Hai Laikin Neeyat Ke Etbaar Se Aur Talvar Se Kaam Galat Ya Sahi Lene Ki Wajah Se Dono Ke Anjam May Kitna Farq Hai | Yahi Wajah Hai Ki Maine Na Sirf Shayri Ko Apnaya Balki Un Uloom Se Bhi Dilchaspi Li | Jinhai Aamtour Par Navaqifyat Ki Bina Par Gunah Mutsvvar Kiya Jata Hai | Halaki In Uloom Se Fez-Rasani Ho Sakti Hai Aur Savab Kamaya Jaa Sakta Hai | Mazhab Ne Ilm Hasil Karne Ki Zarurat Par Zyada Se Zyada Zor Diya Hai Aur Ilm Hi Wo Sheh Hai Jisne Hume Har Makhlooq Par Sharf Baqsha Hai | Is Haqeeqat Ke Peshe Nazar Kisi Ilm Ya Faan Par "Gunah Ka Thappa" Laga Dena Munasib Nhi | Qaynat Ki Har Sheh Humare Hi Fayde Ke Liye Hai | Ye Chaand, Suraj, Sitare, Burooj, Thand Aur Garm Hawae, Khusqi Aur Tari Sab Hume Apni Taskheer Ki Dawat Deti Hai | Aur Hum Inki Khidmat Se Istifada Karna Hi Chahiye | Inki Taskheer Ke Liye Khalike Araz V Sma Ne Hume Hikmat V Istidarak Se Bahrhvar Kiya Hai | Inse Fayde Na Uthana Allah Ki Neaamjato Se Mfar Hai | Shukrane Neaamat Ka Sahi Tareeqa Ye Hai Ki Jab Insaan Apni Danai Se Kisi Ilm Ya Faan Se Mutmttaa Ho To Rifaahe Aam Ke Tareeqe Bhi Muhiyya Kare | Varna Use Khud Ka Ashraful-Makhooqat Ke Jumre Se Bahar Samjhna Chahiye | Khaadim Shaah Zanjaani Ke Is Izhare Haqeeqat Ke Bad Qareine Kiram Apne Liye Makam Talash Kar Sakte Hai Ki Wo Taskheer Hamzad Se Kya Fayda Utha Sakte Hai | Kashtiya Wo Hi Taira Karti Hai Jo Barbanaye Khuloos Taiyar Ki Jaati Hai Aur Jin May Aam Mafadaat Ka Tahffuz Wabasta Ho

:::

Most Share